Երևանում դիմակավորված բանդա կա. զգուշացում բոլորին. այս թե ինչ են անում (տեսանյութ)

Երևանում մասնագիտացված բանդաներ են գործում, որոնք թալանում են «Մերսեդես բենց» մակնիշի ավտոմեքենաների SBC արգելակման համակարգը: Այս մասին մի քանի օր է՝ Factor TV-ն ահազանգեր է ստանում «Մերսեդեսի» վարորդներից:

Բոլոր վարորդները գրեթե նույն կերպ են նկարագրում «Մերսեդեսները» թալանողներին: Մի քանի օր առաջ Շենգավիթում թալանել են 44-օրյա պատերազմի մասնակից Անդրանիկ Մայիլյանի ավտոմեքենան: «Մերսեդես բենց» մակնիշի ավտոմեքենաների SBC արգելակման համակարգի գողության դեպքերը զանգվածային բնույթ են կրում:

Այս ֆիրմայի մեքենա վարողները ֆեյսբուքյան մասնագիտացված խմբերում ամեն օր հայտնում են գողության դեպքերի մասին՝ տեղադրելով վնասված մեքենաների լուսանկարները: Մեքենայի սեփականատերերը նշում են՝ պատճառված վնասի չափը հասնում է մի քանի հարյուր հազար դրամի: SBC համակարգ տեղադրված է 2002-2006 թվականների արտադրության «Մերսեդես բենց» մակնիշի ավոտմեքենաների վրա: