Պատերազմը շարունակվում է, այն իր բնույթը որոշակի փոխել է, մամուլի ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։
«Մեր Զինված ուժերն այսօր այն նույն ուժգնությամբ, այն նույն բարդությամբ ու արագությամբ մարտեր չեն վարում, բայց վարում են բարդ մարտեր լեռներում, անտառներում, կիրճերում», - ասաց նա։
Հովհաննիսյանը նշեց, որ այսօր չեզոքացվել են հակառակորդի մի քանի դիվերսիոն խմբեր։
«Մի քանիսը փախուստի են մատնվել՝ թողնելով որոշակի տեխնիկա: Հակառակորդն այլևս կորցրել է հստակորեն իր ահռելի քանակական առավելությունը, դա գալիս է տարբեր հանգամանքներից, առաջին հերթին՝ տեղանքից, հետո՝ մեր հմտությունների կատարալեգործումից ու փորձից», - ասաց Հովհաննիսյանը՝ ևս մեկ անգամ վստահեցնելով՝ հաղթելու ենք։
English
Русский
