Չեմ ընդունում ինձ առաջադրված մեղադրանքը. Սերգո Կարապետյան (տեսանյութ)

ՀՀ նախկին գյուղատնտեսության նախարար Սերգո Կարապետյանը լրագրողների հետ զրույցում նշեց, որ չի ընդունում իրեն առաջադրված մեղադրանքը:

«Չեմ ընդունում ինձ առաջադրված մեղադրանքը»,-ասաց Կարապետյանը և հարցին՝ ինչպես է ստացվել, որ դիզվառելիքի տրամադրման գործընթացում նման խնդիրներ են առաջացել, նշեց. «Դե, առաջացել են»:

Ինչ վերաբերում է կես միլիարդ դոլարի չափով չարաշահումներին, նա ասաց, ամեն ինչ դատաքննությունը կպարզի: Կարապետյանն այլ հարցերի չպատասխանեց:

Նա անպատասխան թողեց նաև հարցն առ այն, որ ՀՀ երրորդ նախագահ Սերժ Սարգսյանը չի ընդունում մեղադրանքը, արդյո՞ք Կարապետյանը կեղծ ցուցմունք է տվել:

Հիշեցնենք, որ նախկին գոյւղատնտեսության նախարար Սերգո Կարապետյանը մեղադրվում է ՀՀ ՔՕ-ի 179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը):

Մյուս 4 մեղադրյալները Սերժ Սարգսյանը, Բարսեղ Բեգլարյանը, գյուղատնտեսության նախկին փոխնախարար Սամվել Գալստյանը և նույն նախարարության բուսաբուծության վարչության պետ Գւևորգ Հարությունյանը, մեղադրվում են ՀՀ քրեական օրենսգրքի 38-179-րդ հոդվածի 3-րդ մասի 1-ին կետով (առանձնապես խոշոր չափերով յուրացումը կամ վատնումը կազմակերպել, դրդելը, օժանդակելը):

Նշենք նաև, որ նախաքննության փուլում Սերգո Կարապետյանն առերեսվել է ինչպես Սերժ Սարգսյանի, այնպես էլ Բարսեղ Բեգլարյանի հետ:

Հիշեցնենք նաև, որ ըստ մամուլի՝ Սերժ Սարգսյանին մեղադրանք է առաջադրվել միայն Սերգո Կարապետյանի ցուցմունքի հիման վրա, Սարգսյանի պաշտպաններից Ամրամ Մակինյանը երեկ անուններ չտվեց, միայն նշեց, որ Սերժ Սարգսյանն առերեսվելէ իր դեմ ցուցմունք տված անձի հետ:

Մանրամասները՝ տեսանյութում: