Այս պահին հոսպիտալում ենք` հայրենիք վերադարձած 44 հայ գերիների առողջական վիճակի ուսումնասիրության համար. ՀՀ ՄԻՊ

Այս պահին մեր աշխատակազմի զինված ուժերում մարդու իրավունքների հարցերով դեպարտամենտի ղեկավարի եւ բժշկուհու հետ հոսպիտալում ենք` հայրենիք վերադարձած 44 հայ գերիների առողջական վիճակի ուսումնասիրության ու անհրաժեշտ այլ գործողությունների համար։ Այս մասին ֆեյսբուքյան իր էջում գրել է ՀՀ Մարդու իրավունքների պաշտպան Արման Թաթոյանը։

«Մեր աշխատակազմի բժշկի հետ միասին ներկա գտնվեցինք Ադրբեջանում գերության մեջ գտնվող մեր տղաների մի մասի դիմավորմանը օդանավակայանում:

Այս պահին մեր աշխատակազմի զինված ուժերում մարդու իրավունքների հարցերով դեպարտամենտի ղեկավարի եւ բժշկուհու հետ հոսպիտալում ենք` նրանց առողջական վիճակի ուսումնասիրության ու անհրաժեշտ այլ գործողությունների համար»,- գրել է նա։