Ինչո՞ւ մենք պարտվեցինք՝ այստեղ ևս սուտ ինֆորմացիա տարածելը մեզ օգուտ չի բերում, ասուլիսի ժամանակ նկատեց ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը:
Նրա խոսքով՝ պարտությունը կործանում չէ, նոր հաղթանակ կերտելու հնարավորություն է:
«Առաջին պատճառը ղեկավարումն է ԶՈՒ-ն խաղաղ պայմաններից պատերազմի բերելու ընթացքում և պատերազմի ընթացում», - ասաց նա:
Անդրադառնալով ԳՇ պետի պաշտոնից իրեն ազատելու հանգամանքին՝ Հակոբյանն ասաց, որ հեշտությամբ չի ազատվել, հիմնավորում է պահանջել, որն իրեն բավարարել է:
Հակոբյանը մանրամասնեց, որ առաջարկել է պաշտոնյա, ով կարող էր իրեն փոխարինել այդ պաշտոնում, սակայն իմանալով, որ Արտակ Դավթյանն է նշանակվել, բարձրաձայնել է, որ ամենից անպատրաստ գեներալն է նշանակվել:
English
Русский
