Ողբերգական վրաերթ. հետիոտնը մահացել է

Այսօր՝ նոյեմբերի 30-ին, մահվան ելքով ավտովթար-վրաերթ է տեղի ունեցել Երևանում: Ժամը 18:30-ի սահմաններում Գայի պողոտա և Բաղյան-Հովհաննիսյան փողոցների խաչմերուկում բախվել են Mini Cooper մակնիշի 07 AN 070 համարանիշի և Volkswagen Touareg մակնիշի 81 AQ 111 համարանիշի ավտոմեքենաները:

Բախման հետևանքով Mini Cooper-ը դուրս է եկել երթևեկելի գոտուց և ըստ նախնական տեղեկությունների՝ վրաերթի ենթարկել 65-70 տարեկան տղամարդ հետիոտնի,այս մասին հայտնում է Shamshyan.com-ը:

Վրաերթի ենթարկվածը տեղում մահացել է:

Փրկարարները հոսանքազրկել են ավտոմեքենաները, դին ճանապարհից տեղափոխել անվտանգ վայր և սահմանազատել են տարածքը

Փաստի առթիվ Տ. Վարդանյանի որոշմամբ հարուցվել է քրեական գործ՝ ՀՀ քր օր-ի 242 հոդվածի 2-րդ մասի հատկանիշներով: Ոստիկանությունն ու քննչական բաժինը պարզում են վարորդների և մահացածի ինքնությունը: Քննիչի հանձնարարականով ավտոմեքենաները տեղափոխվում են Երևանի ՃՈ պահպանվող հատուկ տարածք: