Ողբերգական ավտովթարի հետևանքով մահացել է ուղևորուհին. մանրամասներ

iPress.am- Երեկ՝ հունիսի 24-ին,  «Գյումրի» բժշկական կենտրոնում գիտակցության չգալով՝ մահացել է  59-ամյա Հասմիկ Հարությունյանը, ով հիվանդանոց էր տեղափոխվել հունիսի 18-ին Շիրակի մարզում տեղի ունեցած խոշոր ավտովթարի հետևանքով: Հիվանդանոց  էին տեափոխվել նաև ևս 5 հոգի:

Ինչպես ավելի վաղ հայտնել էր Աղբյուրը, հունիսի 18-ին, խոշոր ավտովթար էր տեղի ունեցել Շիրակի մարզում։ Ժամը 21։00-ի սահմաններում Երևան-Գյումրի ավտոճանապարհի 110 կմ-ին բախվել էին Գյումրի քաղաքի բնակիչներ՝ 51-ամյա Ավետիս Գասպարյանի վարած Opel մակնիշի և 28-ամյա Զավեն Սարգսյանի վարած Nissan մակնիշի ավտոմեքենաները։

Վթարի հետևանքով 2 վարորդներն ու ուղևորներ՝ պարզվում է՝ որ ավտոմեքենայի,  Արագածոտնի մարզի բնակիչ, 25-ամյա Մարիամ Հարությունյանը, ՌԴ քաղաքացիներ՝ 34-ամյա Արթուր Աբրահամյանը, 65-ամյա Սուրեն Աբրահամյանը, Գյումրիի բնակիչ՝ 59-ամյա Հասմիկ Հարությունյանը մարմնական վնասվածքներով տեղափոխվել էին «Գյումրի» բժշկական կենտրոն։

Օպերատիվ էին գործել բժիշկների հերթապահ խմբերն  ու Արտակարգ իրավիճակների նախարարության փրկարար ծառայության Շիրակի մարզային փրկարարական վարչության Արթիկի հրշեջ-փրկարարները։ 

Տեղում աշխատել են նաև նույն վաշտի ավագ հետաքննիչներ Նաիրի Գասպարյանն ու Դավիթ Ասատրյանը, սակայն մարզի դատախազի հանձնարարականով վթարի վայր էին ժամանել Հայաստանի քննչական կոմիտեի Շիրակի մարզային քննչական վարչության խումբը՝ հատկապես կարևոր գործերով ավագ քննիչ Գարեգինյանի գլխավորությամբ, ում կողմից փաստի առթիվ նյութեր են նախապատրաստվում։