Ավազակային հարձակում

Երեկ՝ հունվարի 11-ին, ավազակային հարձակում է տեղի ունեցել Կոտայքի մարզում:

Ժամը 23:00-ի սահմաններում Կոտայքի մարզի բնակիչ, 60-ամյա Մ. Մ.-ն դիմել է ոստիկանության Կոտայքի բաժին և հայտնել, որ նույն օրը՝ ժամը 15:20-ի սահմաններում Կոտայքի մարզի Գետամեջ գյուղ տանող ճանապարհին իրեն անհայտ անձը, ով հանդիսացել է իր տաքսի ավտոմեքենայի ուղևորը, ավտոմեքենայում իր ընկալմամբ՝ դանակի սպառնալիքի տակ ավտոմեքենայի սրահի պահոցից հափշտակել է գումար և դիմել փախուստի:

Տուժածի տուն են ժամանել ոստիկանության Կոտայքի բաժնի օպերատիվ խումբը, որտեղ Մ. Մ.-ն իրավապահներին հայտնել է, որ հափշտակված գումարը կազմում է 48 հազար դրամ,այս մասին հայտնում է Shamshyan.com-ը:

Աղբյուրի տեղեկություններով՝ ոստիկանության Կոտայքի մարզային վարչության, ոստիկանության Կոտայքի և Նաիրիի բաժինների քրեական հետախուզության և համայնքային ոստիկանության բաժանմունքների ծառայողները, ձեռնարկելով օպերատիվ-հետախուզական միջոցառումներ, պարզել են հանցագործությունը կատարած ենթադրյալ կասկածյալի ինքնությունը և ձեոնարկում են անհրաժեշտ միջոցառումներ՝ նրան հայտնաբերելու ուղղությամբ:

Նախաքննության շահերից ելնելով՝ կասկածյալի ինքնությունը, ով 46 տարեկան է, չենք հայտնում:

Փաստի առթիվ Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնում նյութեր են նախապատրաստվում: