Արտառոց դեպք. հոր ու որդու «գոնկան» ավարտվել է խոշոր ավտովթարով. կա 5 վիրավոր

Արտառոց դեպք. հոր ու որդու «գոնկան» ավարտվել է խոշոր ավտովթարով. կա 5 վիրավոր

Իրադարձային Ipress 2020-05-09 22:22:00 11646
Հետևեք մեզ՝ Telegram-ում
sio_2nzvN.jpg

Այսօր՝ մայիսի 9-ին, խոշոր և արտառոց ավտովթար է տեղի ունեցել Կոտայքի մարզում: Ժամը 18:30-ի սահմաններում, Ձորաղբյուր գյուղի Ջերմոցների փողոցի թիվ 10/28 հասցեում գտնվող «Մավաս ագրո» ՍՊԸ-ի մոտակայքում բախվել են Կոտայքի մարզի Բալահովիտ գյուղի բնակիչներ, 22-ամյա Սերժիկ Միքայելյանի վարած Opel մակնիշի 36 TՏ 993 համարանիշի, 51-ամյա Միքայել Միքայելյանի վարած Mercedes-600 մակնիշի 36 TC 627 համարանիշի և Երևանի բնակիչ, 66-ամյա Համլետ Սարգսյանի վարած Opel մակնիշի 35 FA 439 համարանիշի ավտոմեքենաները:

Բախման հետևանքով Հ. Սարգսյանի Opel-ը դուրս է եկել ճանապարհի երթևեկելի գոտուց և բախվել երկաթե արգելապատնեշին ու կամրջի բետոնե հատվածին և մի քանի պտույտ գլորվելով, հայտնվել կամրջի տակ,այս մասին հայտնում է shamshyan.com-ը:

Վթարի հետևանքով 5 հոգի, որոնց ավտոմեքենաներից դուրս են բերել օպերատիվորեն ժամանած Արտակարգ իրավիճակների նախարարության Փրկարար ծառայության թիվ 18 փրկարարական ջոկատի և թիվ 9 հատուկ փրկարարական ջոկատի փրկարարներն ու քաղաքացիները, օպերատիվորեն դեպքի վայր ժամանած շտապօգնության բժիշկների բրիգադների կողմից նախ տեղում առաջին բուժօգնությունն են ստացել, ապա տեղափոխվել Միքայելյանի վիրաբուժության ինստիտուտ:

Դեպքի վայրում հավաքվածներն ասում էին, որ վթարից հետո Mercedes-ի վարորդը մեկ այլ ավտոմեքենայով դիմել է փախուստի, սակայն Ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ հետապնդել ու բռնել են նրան, ով եղել է ոչ սթափ (խմած) վիճակում:

Հրշեջ-փրկարարները հոսսանքազրկել են ավտոմեքենաները, փակել գազաբալոններն ու սահմանազատել տարածքը: Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է ոստիկանության Կոտայքի բաժին, որտեղից ժամանել է օպերատիվ խումբը՝ բաժնի պետ Անդրանիկ Մելոյանի գլխավորությամբ:

Տեղում հետաքննչական աշխատանքները ղեկավարել է ՃՈ 2-րդ սպայական գումարտակի 3-րդ վաշտի ավագ հետաքննիչ Մայիս Բադոյանը, ում կողմից փաստի առթիվ նյութեր են նախապատրաստվում: Ոստիկանությունը պարզում է վիրավորների ինքնությունը, որոնց մեջ՝ ըստ դեպքի վայրում հավաքվածների, նաև բժիշկ կա:

Աղբյուրը հայտնում է նաև, որ Mercedes-ի վարորդ Միքայել Միքայելյանը ու Opel-ի վարորդ Սերժիկ Միքայելյանը հայր ու որդի են, ովքեր մեքենաներով «գոնկա» են կպել, իսկ Ս. Միքայելյանը դեպքի վայրում Ճանապարհային ոստիկաններին ասում էր, որ վթարի պատճառը եղել է Nissan մակնիշի մեկ այլ ավտոմեքենա, որը վթարային իրավիճակ է ստեղծել, ինչն էլ դարձել է վթարի պատճառ:

SHAMSHYAN.com-ը ձեռքի տակ ունի տեսանյութ, ինչը հերքում է Ս. Միքայելյանի պատմածը: 

Поделиться
Класс
Send
img9996_DDpcN.jpeg

Պարեկը հարվածել է քաղաքացուն. Բացառիկ տեսանյութ

img3881_xXtT9.jpeg

Ռուբլին այսօր ավելի թանկացավ. Նոր տվյալներ

img9992_tYQs0.jpeg

12 հազարի փոխարեն՝ 160 հազար դրամ․ վարորդների համար թանկացումներ են սպասվում

img3270_PU4xj.jpeg

Ողբերգական դեպք Երևանում. 1 ամսական տղա երեխա է մահացել

img9968_AALIq.jpeg

Ուժգին քամին ու տեղումները կշարունակվեն նշված վայրերում. Սուրենյանը մանրամասնում է

img9954_DwURJ.jpeg

Տեսանյութ. Ողբերգական ավտովթար Երևանում. ծնողները մահացել են, բժիշկները պայքարում են տղայի կյանքի համար

img3340_wr1Pq.jpeg

Այսօր ռուբլին թանկացավ. Կենտրոնական բանկ

img9951_pEe4h.jpeg

Ինչպե՞ս է 17-ամյա պատանու տեսանյութը հայտնվել թելեգրամյան ալիքում. Տեսանյութ

img3484_NGVzy.jpeg

10 ժամ ջուր չի լինի

img9923_vxzR0.jpeg

Օրենքը վաղն ուժի մեջ է մտնում

img9553_BlP_E.jpeg

Օդի ջերմաստիճանը կտրուկ կնվազի. Եղանակ

img6428_X2m98.jpeg

Այսօր ռուբլին ավելի թանկ է. Կենտրոնական բանկ