Արա Մարտիրոսյանը ներկայացրել է իր նոր՝ «Женщина Моя» տեսահոլովակը, որում կրկին նկարահանվել է վրացի հայտնի մոդել Թամունա Գաբունիան: Նկարահանումները տեղի են ունեցել մոդելի հարազատ քաղաքում՝ Թբիլիսիում: Թամունան իր էջում հրապարակել է տեսանյութեր, որոնցում Արան Թամունայի հարցին՝ կարո՞ղ եմ անհանգստացնել, պատասխանում է հետևյալը:
«Քեզ ամեն ինչ կարելի է, կյանք»,- ապա հավելում է. «Խելագարվում եմ նրա համար»: Նշենք, որ արդեն բավական երկար ժամանակ է, ինչ Արային և Թամունային սիրավեպ են վերագրում:
Առհասարակ, նրանց հաճախ կարելի է միասին տեսնել: Թեպետ Թամունան պարբերաբար նշում է, որ ինքն ու Արան միայն ընկերներ են:
Թամունան նույնիսկ Երևան էր ժամանել Արայի մենահամերգին ներկա գտնվելու համար: Այդ օրերին նա ներկայացրել էր, թե ինչ շքեղ ծաղկփնջեր էր ստացել, սակայն չէր նշել, թե ումից:
Ի դեպ, երբ Արան դեռ չէր հաստատել իր ամուսնալուծությունը, Թամունան առաջիններից էր, ով նշել էր, որ երգիչն ամուսնալուծված է:
English
Русский
