Արտակարգ դեպք ՀՀ-ում. վարորդը վրաերթի է ենթարկել 5-ամյա երեխային. վերջինիս վիճակը ծայրահեղ ծանր է. ՖՈՏՈ

Երեկ՝ հունիսի 2-ին, վրաերթ է տեղի ունեցել Սյունիքի մարզում։ Ժամը 13։50-ի սահմաններում Գորիսի բնակիչ՝ 37-ամյա Արմեն Գ-ն Գորիս քաղաքի Գետափնյա փողոցի 6-րդ շենքի հարակից բակում իր վարած Opel Combo մակնիշի ավտոմեքենայով՝ հետնամասով վրաերթի է ենթարկել Գետափնյա փողոցի բնակիչ՝ 5-ամյա Մարիամ Զ-ին։

Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իր ավտոմեքենայով երեխային տեղափոխել է Գորիսի բժշկական կենտրոն, որտեղ երեխան առաջին անհրաժեշտության բուժօգնությունը ստանալուց հետո ծայրահեղ ծանր ախտորոշմամբ առողջապահության նախարար Արսեն Թորոսյանի հանձնարարականով Սանավիացիայի ուղղաթիռով տեղափոխվել է Երևանի «Սուրբ Աստվածամայր» բժշկական կենտրոն։

Նշված բժշկական կենտրոնում բժիշկներն ամեն հնարավորը կատարել են՝ երխայի կյանքը փրկելու համար, և այս պահին երեխան գտնվում է վերանդանացման բաժանմունքում՝ բժիշկների հսկողության տակ։

Դեպքի վայր են ժամանել Ճանապարհային ոստիկանության 22-րդ սպայական գումարտակի 6-րդ վաշտի 1-ին դասակի ծառայողները՝ վաշտի հրամանատար Գեղամ Մարգարյաի, դասակի հրամանատար Կարեն Օհանյանի գլխավորությամբ։

 Տեղում հետաքննչական աշխատանքները ղեկավարել է նույն վաշտի ավագ հետաքննիչ Սուրեն Վարդանյանը, ում կողմից փաստի առթիվ նյութեր են նախապատրաստվում։

Հետաքննիչի հաձնարարականով ավտոմեքենան տեղափոխվել է ոստիկանության Գորիսի բաժնի պահպանվող հատուկ տարածք։