Ադրբեջանցիներն ամբողջությամբ վերցրել են Սև լիճը. ռուսները բանակցում են. Սյունիքի նախկին մարզպետ

iPress.am-Սյունիքի նախկին մարզպետ Վահե Հակոբյանն Aysor.am-ի հետ զրույցում հայտարարեց՝ ադրբեջանցիները ամբողջությամբ վերցրել են Սև լիճը։ «Գիշերը բարձրացել են Իշխանասարի ուղղությամբ, լճերը քանի որ նոր քարտեզագրմամբ իրենցն են 30 տոկոսով, հիմա իրենք ամբողջ լիճն են վերցրել, լուրջ վտանգել են Գորիս համայնքը. քաղաքը և՛ ոռոգման, և՛ խմելու ջրի համար այնտեղից էր օգտվում», - ասաց Վահե Հակոբյանը։

Նա նշեց, թե սա լրջագույն խնդիր է դառնալու։ Նախկին մարզպետն ասաց, թե վիրավորների մասին տեղեկություն չունի։ «Ռուսներն արդեն այնտեղ բանակցում են մեր ներկայացուցիչների հետ, փորձում են հետ մղեն, եթե հետ չմղեցին, մենք խնդիր ենք ունենալու, հաստատ», - նշեց Վահե Հակոբյանը։

Հիշեցնենք՝ Գորիսի փոխքաղաքապետ Իրինա Յոլյանը հայտնել էր, որ Իշխանասարի հատվածում թշնամին պետական սահմանն անցել է և ևս երեք կիլոմետր առաջ եկել. հարյուրներով շարված են:

Գորիսի մյուս քաղաքապետ Մենուա Հովսեփյանն էլ հայտնել էր, թե թուրքը Սև լճի տարածքում առաջ է եկել և փորձ է կատարում տեղակայվելու:

Մանրամասները՝ սկզբնաղբյուր լրատվամիջոցում