8 ոստիկան ազատվել է աշխատանքից

8 ոստիկան ազատվել է աշխատանքից

Իրադարձային Ipress 2020-04-22 17:25:00 4983
Հետևեք մեզ՝ Telegram-ում
korona-ostikan-hayastan0_0coJ_.jpg

2020-ի 1-ին եռամսյակի ընթացքում ՀՀ ոստիկանության ներքին անվտանգության վարչությունում կատարվել են 291 ծառայողական քննություններ և ուսումնասիրություններ: Կատարված ծառայողական քննությունների արդյունքներով ոստիկանության ծառայողների նկատմամբ կիրառվել են 50 կարգապահական տույժեր, այդ թվում՝

- հայտարարվել է «Նկատողություն»` 32,

- հայտարարվել է «Խիստ նկատողություն»` 9,

- պաշտոնն իջեցվել է մեկ աստիճանով՝ 1,

- ազատվել են ոստիկանությունում ծառայությունից` 8:

Կարգապահական տույժ է կիրառվել նաև քաղաքացիական հատուկ ծառայության 4 ծառայողի նկատմամբ (մեկին հայտարարվել է «Նկատողություն», մեկին` «Խիստ նկատողություն», մեկն ազատվել է զբաղեցրած պաշտոնից և 1 քաղաքացիական աշխատանք կատարող անձի նկատմամբ հայտարարվել է «Նկատողություն»):

ՀՀ ոստիկանության ծառայողների կողմից թույլ տրված օրինախախտումների փաստերով ներքին անվտանգության վարչության կողմից նախապատրաստվել և նախաքննական մարմինների քննարկմանն են ուղարկվել ծառայողական քննությունների 13 նյութեր: Դրանցից`

2-ով նյութերը քննարկման փուլում են,

3-ով քրեական գործ հարուցելը մերժվել է,

8-ով հարուցվել են քրեական գործեր, որոնք նախաքննության փուլում են։

2020-ի 1-ին եռամսյակի ընթացքում ՀՀ ոստիկանությունում հրավիրվել է կարգապահական հանձնաժողովի 1 նիստ, որի ընթացքում քննարկվել են ոստիկանության 7 ծառայողի վերաբերյալ իրականացված ծառայողական քննությունների 7 նյութեր:

Կարգապահական հանձնաժողովի միջնորդությամբ ՀՀ ոստիկանության պետի հրամաններով ոստիկանության 7 ծառայողի նկատմամբ կիրառվել են կարգապահական տույժեր, մասնավորապես՝ 2 ծառայողի հայտարարվել է «Խիստ նկատողություն», իսկ 5-ն ազատվել են ՀՀ ոստիկանությունում ծառայությունից, այս մաիսն հայտարարություն է տարածել ՀՀ ոստիկանությունը։

Поделиться
Класс
Send