English
Русский
iPress.am- Սովորաբար կանանց համար շատ դժվար է հասկանալ տղամարդու ակնարկները: Նրանց պետք են բացահայտ խոստովանություններ, որպեսզի հասկանան, որ դուր են գալիս տղամարդուն:
elle.ru-ն ներկայացնում է մի քանի նշան, որոնք կօգնեն ձեզ հասկանալ, որ դուր եք գալիս տղամարդուն:
1. Ձեզ տեսնելիս՝ նա ժպտում է
Եթե նկատել եք, որ ձեր կոլեգան կամ ընկերն ամեն անգամ ձեզ տեսնելիս սկսում է ժպտալ, ապա հավանական է, որ նա ձեր նկատմամբ անտարբեր չէ: Սա ստուգելու համար պարզապես հետևեք նրա միմիկային:
2. Նա հիշում է ձեզ հետ կապված մանրուքները
Եթե տղամարդը հիշում է ձեզ հետ կապված տարբեր մանրուքներ՝ օրինակ, ինչ պաղպաղակ եք սիրում կամ այն, թե որ դիմափոշին եք նախընտրում, ապա վստահ եղեք, որ դուր եք գալիս նրան: Տղամարդիկ այդպիսի մանրուքները հենց այնպես չեն մտապահում:
3. Ձեզ տեսնելիս նա սկսում է դզմզել հագուստը:
Երբ տղամարդը՝ ձեզ տեսնելիս խուճապի է մատնվում և սկսում է դզմզել հագուստն, ապա դուք նրան դուր եք գալիս: Նա ցանկանում է խնամված տեսք ունենալ ձեզ մոտ և լավ տպավորություն թողնել:
4. Խոսակցության ընթացքում նա զննում է ձեր դեմքը:
Երբ զրուցում եք՝ նա միայն ձեր դեմքին է նայում ու զննում է այն: Մի բարդույթավորվեք ու թույլ տվեք նրան հիանալ ձեզնով:
5. Նա փորձում է կրճատել ձեր միջև եղած տարածությունը:
Գործնական հարաբերություններում ընդունված է զրուցակցի հետ մեկ մետր տարածություն պահպանել: Այսպիսով՝ դուք չեք խախտում նրա անձնական տարածությունը: Եթե զգում եք, որ տղամարդը փորձում է կրճատել այդ տարածությունը, ապա վստահ եղեք, որ դուր եք գալիս նրան:
6. Նրան հետաքրքրում է ձեր կարծիքը:
Նա միշտ հարցնում է ձեր կարծիքն ու հետևում ձեր խորհուրդների՞ն՝ դուք նրան դուր եք գալիս:
7. Նա փորձում է ձեզ դիպչել:
Եթե զրույցի ընթացքում կամ համատեղ լանչի ժամանակ նա փորձում է դիպչել ձեզ, ապա, հավանաբար, դուք նրան դուր եք գալիս:
