«43 օր տներից մեկում թաքնված՝ լեչո ու մուրաբա ենք կերել». Էրիկ Խաչատրյան Video

 iPress.am- Հունիսի 12-ին ադրբեջանական գերությունից վերադարձած Էրիկ Խաչատրյանը որոշ մանրամասներ է հայտնել իր ծառայությունից, պատերազմից և գերի ընկնելուց: «Ես կռվում էի Ջաբրայիլում: Մոտավորապես մեկ շաբաթ Ջաբրայիլում ենք կռիվ տվել, հետո նահանջեցինք դեպի Հադրութ: Հադրութում մոտ 3-4 օր հանգստացանք, բարձրացանք էլի վիշկա՝ Հադրութի պոստերից ա:

Մեկ օր էնտեղ մնալուց հետո էլի կռիվ տվեցինք: Հետնահանջի ժամանակ ընկանք շրջափակման մեջ...: Հոկտեմբերի 9-ին վիրավորվել եմ, փամփուշտը ոտքիցս մտել ա, հասել ա մեջքիս: Հիմա պետք ա վիրահատվի, փամփուշտը դեռ ներսում ա: 43 օր մնացել ենք թաքնված՝ տներից մեկում: 43 օրվա մեջ լեչոյով ու մուրաբայով ենք ապրել: Տանը ջուր չէր գալիս. տան տերը ցիստեռնի մեջ ջուր էր հավաքել, էդտեղից էինք խմում: Նոյեմբերի 21-ից մեզ կրիշից բռնեցին, տեղափոխեցին Բաքու»,- պատմում է 19-ամյա Էրիկը: