20–ամյա Գագիկը Գերմանիայից վերադարձել էր զինծառայության մեկնելու համար

20–ամյա Գագիկը Գերմանիայից վերադարձել էր զինծառայության մեկնելու համար

Երեկ Գեղարքունիքի մարզում զորամասի կացարանում բռնկված հրդեհի հետևանքով մահացած Գագիկ Բարսեղյանը 1 տարի առաջ էր Հայաստան վերադարձել հատուկ զինվորական ծառայության համար։ Ամբողջ ընտանիքով տարիներ առաջ մեկնել էին Գերմանիա` մշտական բնակության։

Մինչև Գերմանիա մեկնելը Գագիկը սովորում էր Գառնիի Ատոմի անվան համար 2  ավագ դպրոցում։ Հաճախում էր Թումո ստեղծարար տեխնոլոգիաների կենտրոն, երազում էր ծրագրավորող դառնալ։

«Վերադարձից հետո ապրում էր տատիկի  տանը, ընկերներին ասել էր, որ եկել է բանակ գնալու համար։ Ցավում եմ, որ այլևս չեն տեսնելու նրան, նրա միշտ ժպտացող դեմքը »,– Sputnik  Արմենիայի հետ զրույցում  ասում է  նրա դասղեկ Հերմինե Խոսրովյանը։

Գագիկ Բարսեղյանը  հաճախում էր ըմբշամարտի, բազմաթիվ հաջողությունների էր հասել, գրավել էր մրցանակային տեղեր։

Նա տան ավագ զավակն էր, ունի դպրոցական քույր ու մեկ տարեկան եղբայր։
Վատ  լուրն արդեն Գերմանիա` ծնողներին հասել է, բայց նրանք դեռ չեն եկել։