2 հայ զինվոր է անհետացել. Հայտնի են անունները. ՊՆ

Սյունիքի մարզի Սև լճի տարածքում անցած գիշեր 2 հայ զինվորական է անհետացել։ Տեղեկատվությունը քիչ առաջ հաստատեց նաև ՀՀ ՊՆ–ը:  Ըստ տարածված հաղորդագրության կորած զինվորները զինծառայողներ Արթուր Նալբանդյանն ու վարորդ Արամայիս Տոռոզյանն են։ Մարտական հերթափոխի ժամանակ կորել է րանց հետ կապը։ ՊՆ–ն հայտնում է, որ անմիջապես մեկնարկել են որոնողա-փրկարարական աշխատանքներ, որոնք դեռևս արդյունք չեն տվել։

Ռուսական կողմի միջնորդությամբ, Ադրբեջանի ԶՈՒ ներկայացուցիչների հետ քննարկվում է Ա. Նալբանդյանի և Ա. Տոռոզյանի՝ ադրբեջանական տարածքում հայտնվելու հավանականությունը։

Հավելենք` Արթուր Նալբանդյանն ու Արամայիս Տոռոզյանը եղել են առանց զենքի։ Մինչ այդ տարածված տեղեկույունների համաձայն, դեպքը տեղի է ունեցել Սև լճի տարածքում, երբ հայ զինվորները մեքենայով սնունդ են տանելիս եղել այնտեղ տեղակայված ստորաբաժանումներին։