Ողբերգական ավտովթար. ՀՀ ՊՆ «ՈՒԱԶ»-ը բախվել է ծառին. կա 1 զոհ, 1 վիրավոր

Այսօր՝ հունիսի 2-ին, ողբերգական ավտովթար է տեղի ունեցել Տավուշի մարզում։

Ժամը 13։35-ի սահմաններում սահմաններում «ՈՒԱԶ» մակնիշի ՊՆ համարանիշի ավտոմեքենայի վարորդը Դիլիջան քաղաքի «Լեռնային Հայաստան» առողջարանի հարևանությամբ գտնվող անտառում դեռևս անհայտ հանգամանքներում բախվել է ծառին։

Վթարի հետևանքով 1 հոգի տեղում մահացել է, 1 հոգի քաղաքացիների օգնությամբ տեղափոխվել է հիվանդանոց,այս մասին հայտնում է Shamshyan.com-ը:

Օպերատիվորեն դեպքի վայր են ժամանել ԱԻՆ Փրկարար ծառայության Դիլիջանի թիվ 63 հրշեջ-փրկարարական ջոկատը՝ հրամանատարի տեղակալ Ռոմանոս Անանյանի և հերթափոխի պետ Արշակ Մելիքջանյանի գլխավորությամբ։ Ժամանել են նաև ՀՀ Պաշտպանության նախարարության Ռազմական ոստիկանության վարչության Իջևանի բաժնի և Դիլիջանի հենակետի ծառայողները։

Այս պահին դեպքի վայր ժամանած անձինք սպասում են, որպեսզի ժամանեն Հայաստանի քննչական կոմիտեի Զինվորական քննչական գլխավոր վարչության կայազորի քննչական բաժնի քննիչները։

Աղբյուրի տեղեկություններով՝ մահացածն ու վիրավորը ծառայում են ՀՀ ՊՆ N զորամասում։