Արտակարգ դեպք Կոտայքի մարզում.խոշոր հրդեհ է տեղի ունեցել

Արտակարգ դեպք Կոտայքի մարզում.խոշոր հրդեհ է տեղի ունեցել

Իրադարձային Ipress 2020-03-07 19:06:00 369
Հետևեք մեզ՝ Telegram-ում
koo_8Wk8H.jpg

Այսօր՝ մարտի 7-ին, խոշոր հրդեհ է տեղի ունեցել Կոտայքի մարզում: Ժամը 14:10-ի սահմաններում, Արտակարգ իրավիճակների նախարարության Փրկարար-ծառայության 911 օպերատիվ-կառավարման կենտրոն ահազանգ է ստացվել, որ Քանաքեռավան-Մրգաշեն ավտոճանապարհի՝ Մրգաշեն գյուղի վարչական տարածքում անվադողեր են այրվում և կա հրդեհի տարածման վտանգ:

Օպերատիվորեն ժամանել են ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից 4 մարտական հաշվարկ, հրդեհաշիջման և փրկարարական աշխատանքների կազմակերպման բաժնի և ճգնաժամային կառավարման ազգային կենտրոնի օպերատիվ խմբերը,այս մասին հայտնում է Shamshyan.com-ը:

Հրշեջ-փրկարարները նախ կանխել են կրակի տարածումը, ապա մարել այն:

Կրակն այնքան ուժեղ էր, որ տեսանելի էր մի քանի կիլոմետրից և եթե հրշեջները օպերատիվ չգործեին, հնարավոր է, այլ հատվածներ էլ կրակի մատնվեին, քանի որ իր սև գործն էր անում քամին, սակայն շնորհիվ հրշեջների, ամեն ինչ բարեհաջող ավարտ ունեցավ:

 

Поделиться
Класс
Send