Սյունիքում 52-ամյա տղամարդը նույն օրը երկու անգամ բռնություն գործադրելով՝ բռնաբարել է նախկին կնոջը

Սյունիքում 52-ամյա տղամարդը նույն օրը երկու անգամ բռնություն գործադրելով՝ բռնաբարել է նախկին կնոջը

Իրավունք Ipress 2020-03-15 20:09:00 6174
Հետևեք մեզ՝ Telegram-ում
bss_Ax3OS.jpg

1.am-ը գրում է.

Սյունիքի մարզի ընդհանուր իրավասության դատարանում Մանվել Շահվերդյանի նախագահությամբ ավարտվել էՍարգիս Գ.-ի (անունը փոխված է) գործի դատական քննությունը:

 

52-ամյա Սարգիսին մեղադրանք էր առաջադրվել նախկին կնոջ նկատմամբ երկու դրվագով բռնության գործադրմամբ սեռական ոտնձգություն կատարելու համար՝ ՀՀ քրեական օրենսգրքի 138 հոդվածի  1-ին մասով:

Ըստ  մեղադրանքի՝ 2019 թվականի օգոստոսի 14-ին, ժամը 21-ի սահմաններում Սարգիս Գ.-ն գնացել է նախկին կնոջ բնակարան, թաքնվել է մուտքի դռան մոտ: Հենց որ կինը դուռը բացել է, որ երեկոյան գիշերային հերթափոխի աշխատանքի գնա, Սարգիսը նրան հրել, նորից մտցրել է բնակարան, փակել է դուռը, քաշել-հանել է կնոջ հագուստը, նրան հրելով տարել է սանհանգույց, որտեղ փորձել է սեռական հարաբերություն ունենալ կնոջ հետ, բայց վերջինիս դիմադրության պատճառով չի կարողացել նպատակին հասնել:

Սարգիսը կնոջը քաշելով տարել է հյուրասենյակ, գցել է հատակին, օգնություն կանչելու հնարավորությունից նրան զրկելու նպատակով բարձով փակել է բերանը ու կնոջ կամքին հակառակ, բռնի կերպով սեռական հարաբերություն է ունեցել հետը:

Ըստ մեղադրանքի՝ Սարգիս Գ.-ն կնոջ նկատմամբ սեռական ոտնձգությունից հետո նրա հետևից գնացել է նրա աշխատավայրը՝ ճանապարհին փորձելով հարթել միջադեպն ու խնդրելով վերականգնել ընտանիքը:

Կինը մերժել է:

Սարգիս Գ.-ն վերադարձել է նախկին կնոջ բնակարանի մոտ և սպասել է, որ կինը վերադառնա աշխատանքից:

Օգոստոսի լույս 19-ի գիշերը՝ ժամը 4-ի սահմաններում, կինը հերթափոխն ավարտել ու տուն է վերադարձել:

Սարգիսն ասել է, իբր բջջային հեռախոսը գցել է բնակարանում, խնդրել է թույլ տալ, որ ներս մտնի ու հեռախոսը վերցնի: Կինը հավատացել, ներս է թողել նրան:

Սարգիսը ներս մտնելուն պես դուռը փակել ու նորից հարձակվել է կնոջ վրա, քաշքշելով հանել է հագուստը, կնոջը նորից գցելէ  հատակին, բռնել է ձեռքերն ու ևս մեկ անգամ կնոջ կամքին հակառակ, բռնություն գործադրելով՝ սեռական հարաբերություն է ունեցել հետը:

Բռնի գործողությունների ընթացքում Սարգիս Գ.-ն կնոջը պատճառել է թեթև վնասի հատկանիշներ չպարունակող վնասվածքներ:

Դատարանում Սարգիս Գ.-ն իրեն մեղավոր է ճանաչել, զղջացել է: Դատարանը հաշվի է առել Սարգիս Գ.-ի հետհանցավոր դրական վարքագիծը, ինչի մասին դատարանին հայտնել է տուժող կինը:

Դատարանը արձանագրել է, որ ամբաստանյալ Սարգիս Գ.-ն նախկինում երկու անգամ դատապարտվել է, այդ թվում՝ նախկին կնոջ նկատմամբ պարզապես բռնություն գործադրելու, նրա կամքին հակառակ նրա բնակարան մուտք գործելու համար: Վերջին անգամ Սարգիսը  դատապարտվել է կալանքի, բայց Վերաքննիչ դատարանի որոշմամբ՝ Համաներման ակտի կիրառմամբ նա ազատվել է պատժի կրումից, հետևաբար՝ ՀՀ քրեական օրենսգրքի 84 հոդվածի 3-րդ մասի հիմքով՝ դատարանը Սարգիս Գ.-ին համարել է դատվածություն չունեցող անձ:

Միևնույն ժամանակ դատարանն արձանագրել է նախկին կնոջ նկատմամբ սեռական ոտնձգությունների կատարման հանրային վտանգավորության աստիճանը ու եզրահանգել է, որ կատարած արարքների համար Սարգիս Գ.-ն պետք է պատիժ կրի ազատազրկման ձևով:

Տուժող կինը քաղաքացիական հայցի պահանջ չի ներկայացրել:

Սարգիս Գ.-ն մեղավոր է ճանաչվել ՀՀ քրեական օրենսգրքի 138 հոդվածի 1-ին մասով՝ 2 դրվագով, ու վերջին հաշվով դատապարտվել է 4  տարի ազատազրկման:

Պատժի սկիզբը՝ 2019 թվականի օգոստոսի 16-ից:

Поделиться
Класс
Send
img8132rofy-bk_SI4qR.jpeg

Ողբերգական վրաերթ Երևանում

img8132rofy_S8XUs.jpeg

Խոշոր ավտովթար Գեղարքունիքի մարզում. 4 վիրավորից 2-ը երեխաներ են

img8130vrvn3_rlvKb.jpeg

Տեսանյութ. Ինչպես է 12-ամյա երեխան 40 ժամ մեքենան վարելով` ընտանիքին հանել Արցախից

anjrev_ov9lF.jpg

Ուժգին քամիներ և անձրև․ Օդի ջերմաստիճանը կտրուկ կնվազի

korel-e_d71zU.jpg

44 օրյա պատերազմի ժամանակ Շուշիից գերեվարվել է, 2 ամիս հետո վերադարձվել հոգեկան լուրջ խնդիրներով...

d605fe6b-da66-492b-a11d-abca050382a9rqa2q_Evh8e.jpeg

Երկար ժամանակ լույս չի լինի նշված հասցեներում

sose_68sse.jpg

«Չներեք ինձ»․ Սոսեն Հակարի կամուրջը անցել է

levon_u4QKl.jpg

Տարօրինակ «զուգադիպություն»

margarita-simonyaan_vd6ga.jpg

«Հայեր՝ դուք հա՞յ եք»․ Մարգարիտա Սիմոնյան. Տեսանյութ

davit-manukyan_Jum2G.jpg

Ում մեքենայում է եղել Ադրբեջանի ԱԱԾ-ի կողմից ձերբակալված ՊԲ հրամանատարի նախկին տեղակալ Դավիթ Մանուկյանը

img8118gwcsx_M2FHT.jpeg

Տեսանյութ. Մասիսում հուղարկավորեցին Արցախում սպանված եղբայրներին` 10-ամյա Միքայելին և 8-ամյա Նվերին

img8115_ZvCRx.jpeg

62-ամյա կնոջ երեխաները հրապարակումից հետո գտել են իրենց մորը․ ՏԵՍԱՆՅՈՒԹ