Պեմզաշեն համայնքում լարված իրավիճակ է․ հարազատները փորձել են վրեժխնդիր լինել 32-ամյա տղամարդու ընտանիքից

Շիրակի մարզի Պեմզաշեն համայնքում լարված վիճակ է։

Քիչ առաջ հայտնի դարձավ, որ մորն ու անչափահաս 2 երեխաների սպանության դեպքը բացահայտվել է. 32-ամյա մի տղամարդ ձերբակալվել է, նա խոստովանել է կատարած հանցանքը։

MediaHub.am-ի տեղեկություններով, տղամարդու ձերբակալությունից հետո զոհերի հարազատները փորձել են վրեժխնդիր լինել նրա ընտանիքից։

Սակայն, ըստ մեր աղբյուրի, ոստիկանները հասցրել են միջամտել և գյուղից հեռացնել իր խոստովանությամբ 3 մարդու կյանք խլած տղամարդու ընտանիքի անդամներին։

Նշենք, որ այդ ընթացքում բախում է եղել ոստիկանների ու դաժանաբար սպանված 3 քաղաքացիների հարազատների միջև։ Վերջիններիս հունից հանել է հանգամանքը, որ ոստիկանները պաշտպանում են ձերբակալվածի հարազատներին։

Նշենք, որ ոստիկանները ձերբակալել են Պեմզաշենում կատարված սպանության մեջ կասկածվող ևս մեկ հոգու։