Պայթյունի հետևանքով կրակն ու ծուխը տեսանելի են մի քանի կմ-ից․ Ճանապարհը այս պահին փակ է

Քիչ առաջ պայթյուն և խոշոր հրդեհ է տեղի ունեցել Կոտայքի մարզում։ Երևան-Սևան ավտոճանապարհի երկրորդ կմ հատվածում, դեռևս անհայտ հանգամանքներում, գազալցակայանում պայթյուն է տեղի ունեցել, ինչի հետևանքով խոշոր հրդեհ է բռնկվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, կրակն ու ծուխը տեսանելի են մի քանի կմ-ից։

 Այս պահին ճանապարհն ամբողջությամբ փակված է։

Ժամանել են մեծ թվով հրշեջ-փրկարարաիան ջոկատներ, տեղում աշխատում են մեծ թվով բժիշկներ, պարկներ, ոստիկաններ։

Դեպքի վայր է ժամանել ՀՀ Ներքին գործերի նախարարության Փրկարար ծառայության տնօրեն, գեներալ-մայոր Կամո Ցուցուլյանը, ՓԾ տնօրենի տեղակալներ Եգոր Կարապետյանն ու Դավիթ Սարգսյանը։

Դեպքի վայր է ժամանել նաև Աբովյանի քաղաքապետ Էդուարդ Բաբայանը։

Մանրամասները՝ քիչ ուշ