Ու թող ասեն՝ խենթ է, սգալ չգիտի, սևի փոխարեն սպիտակ է հագնում, լացի փոխարեն ծիծաղում է, մեկ է, ապրելու եմ. զոհվածի մայր

Զոհված զինծառայողի մայր Արսինե Սահակյանը, որը մի շարք կամավորական հասարակական կազմակերպություների անդամ է, և մասնակցել է Աննա Հակոբյանի մասնակցությամբ «Սև ու սպիտակ» անունը կրողբարեգործական միջոցառման, անդրադարձել է իր հասցեին հնչող քննադատություններին:

«Ու թող շատերին տարօրինակ թվա, և թող խոսեն ու բամբասեն, թող հոխորտան ու հայհոյեն, մեկ է` չեն սպանի ինձ։

Մեկ է`  չեն կարող գլխատել այն ԿՅԱՆՔԻՆ, որն ապրում է իմ մեջ, որովհետև հիմա այդ կյանք ուրիշ է, ավելի ուժեղ է, ավելի զորեղ է, ավելի հպարտ է, քանզի որդուս պարգևն է։

Ու թող ինձ ասեն` խենթ է, սգալ չգիտի, սևի փոխարեն սպիտակ է հագնում, լացի փոխարեն ծիծաղում է, մեկ է՝ ապրելու եմ։

Հիմա ավելին պիտի ապրեմ ու ապրելով կյանքեր փոխեմ, որ հողն էլ ոտքերիս տակ երբեք չզգա ծանրությունս։ 

Ու թող աստված օրհնի և իմաստություն տա բոլոր նրանց, ովքեր կքննադատեն ինձ և ինձ պես մայրերին ։

Ցավ եմ ապրում հոգով աղքատների համար։ Իսկ հոգով աղքատ լինելն էլ ավելի մեղք է։ Շնորհակալ եմ ընկերներիս, շնորհակալ եմ Աստծուն, որ Ձեզ ունեմ»,- «Ֆեյսբուք»-ի իր էջում գրել է նա։