Ով է այսօր մահացած Պալյան Պողոսյանը. Լուսանկարներ

Ս.թ. հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը: Զինծառայողը նույն օրը ռեանիմոբիլով տեղափոխվել է Այրվածքաբանության ազգային կենտրոն։

Քիչ առաջ տեղեկացրեցինք,որ Պալյան Պողոսյանը մահացել է:  Թեպետ դեպքը տեղի էր ունեցել օրեր առաջ, ՊՆ-ն հաղորդագրություն տարածեց երեկ, որում, մասնավորապես, ասվում էր․

«Հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը։

Hraparak.am-ին հայտնի դարձավ, որ զինծառայողը Շիրակի մարզի Ախուրյան խոշորացված համայնքի Ազատան գյուղից էր, անցյալ տարի էր զորակոչվել, տան միակ արու զավակն էր, ծնողները ևս երկու դուստր ունեն։