English
Русский
Ֆրանսիայում ֆուտբոլային խաղի ժամանակ թուրք երկրպագուները հարձակվել են հայ ֆուտբոլիստների վրա: Կան տուժածներ ու վիրավորներ:
Ինչպե՞ս է դեպքը տեղի ունեցել: Թեմային՝ «Հորիզոնի» տաղավարում անդրադարձել է Արտյոմ Երկանյանը:«Միջադեպը տեղի է ունեցել ֆրանսիական Վալանս քաղաքում, ուր ընկերական խաղ էր՝ տեղի հայկական «Հոմենթ Մեն» թիմի և թուրքական համայնքի «Թյուրքվես» ակումբի միջև:
Առաջին խաղակեսի ավարտին հայակական թիմը 2:0 հաշվով հաղթում էր և կարծես ամեն ինչ խաղաղ էր, երբ ընդմիջումը հայտարարելուց անմիջապես հետո մի քանի տասնյակ զինված թուրք երիտասարդներ ներխուժեցին խաղադաշտ և հարձակվեցին հայ ֆուտբոլիստների վրա:
Արդյունքում կան տուժածներ, մարմնական վնասվածքներ ստացողներ, որոնցից երկուսը տեղափոխվել են հիվանդանոց՝ առողջական բավական ծանր վիճակում:
Երբ ոստիկանները ժամանել են, տեղում ոչ մի ձերբակալություն տեղի չի ունեցել և մինչ այս պահը հայտնի չէ՝ արդյոք կան ձերբակալվածներ:
Բնական է՝ խաղն այլևս չի շարունակվել, իսկ միջադեպից հետո թուրքական ակումբի նախագահը մոտեցել է հայկական ակումբի ղեկավարներին և ափոսանք է հայտնել տեղի ունեցածի կապակցությամբ. նշեմ՝ ներողություն չի խնդրել, ափսոսանք է հայտնել և ասել է, որ դեռ պետք է պարզել, թե իրականում ովքե՞ր են եղել հրահրողները »,-ասել է Արտյոմ Երկանյանը:
Ովքե՞ր էին հարձակվողները: Ընդանրապես, թուրք երկրպագուները հատնի են իրենց ագրեսիվությամբ և այդ ագրեսիան ոչ միայն հայերի նկատմամբ է դրսևորվում:
