Այսօր՝ հուլիսի 13-ին, ողբերգական դեպք է տեղի ունեցել Կոտայքի մարզում։
Ժամը 12։40-ի սահմաններում ՀՀ Ներքին գործերի նախարարության Ոստիկանության Նաիրիի բաժին և Ոստիկանության Նոր Հաճնի բաժանմունք ահազանգ է ստացվել, որ Նոր Հաճնի վարչական տարածքում գտնվող ջրատարում դի կա։
Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր են ժամանել ՀՀ ՆԳՆ Ոստիկանության Կոտայքի մարզային վարչության պետ Ռուբեն Դավթյանը, Ոստիկանության Նաիրիի բաժնի պետ Սանթուր Դուրգարյանը և Ոստիկանության Նոր Հաճնի բաժանմունքի պետ Արտակ Մկրտչյանը։
Այս պահին հրշեջ-փրկարարները փորձում են ճոպանի միջոցով ջրատարի միջից դուրս բերել դին։
Գ․ Շամշյանի տեղեկություններով ջրատարում հայտնաբերվածը կնոջ դի է, ում երեկվանից հարազատները որոնում էին։
Դեպքի փաստով՝ Նաիրիի քննչական բաժնում սպանություն հատկանիշներով նախաձեռնվել է քրեական վարույթ։
Պարեկային ծառայությունն ու քննչական բաժինը պարզում են մահացածի ինքնությունը։