English
Русский
Արդեն մեկուկես ժամից ավելի է՝ Արտակարգ իրավիճակների նախարարության Փրկարար ծառայության Արարատի մարզային փրկարարական վարչության հրշեջ-փրկարարական 2 մարտական հաշվարկ Արարատի մարզի Վերին Դվին գյուղով հոսող Ստալինյան ջրանցքում նույն գյուղի մեծ թվով բնակիչների հետ որոնողական աշխատանքներ են կատարում, որպեսզի հայտնաբերեն նույն գյուղի բնակիչ 14-ամյա տղային։
ԱԻՆ ՓԾ ճգնաժամային կառավարման ազգային կենտրոն ժամը17։20-ի սահմաններում ահազանգ է ստացվել, որ նշված ջրանցքում լողանալիս, ջրահեղձ է եղել երեխա,այս մասին հայտնում է Shamshyan.com-ը
Դեպքի վայր են ժամանել նաև Ոստիկանության Արարատի մարզային վարչության պետ Կամո Ցուցուլյանը, Ոստիկանության Արտաշատի բաժնի պետ Դավիթ Պետրոսյանը, ովքեր, մի քանի խմբեր կազմելով, նույնպես կատարում են որոնողական աշխատանքներ։ Ջրանցքի մեկ այլ հատվածում էլ որոնողական աշխատանքները ղեկավարում է Ոստիկանության Արտաշատի բաժնի պետի անձնակազմի գծով տեղակալ Ալիկ Ղազարյանը։
Մեկ այլ հատվածում էլ՝ Վերին Դվինի գյուղապետն ու գյուղացիները։
Ըստ աղբյուրի տեղեկությունների՝ երեխան իր հասակակից ընկերների հետ ջրանցքում լողանալիս է եղել, երբ 1 անգամ խորասուզվել ու դուրս է եկել։ Սակայն 2-րդ անգամ խորասուզվելուց հետո, հավանաբար, չի կարողացել դուրս գալ, և ջուրը քշել-տարել է։
Քիչ առաջ ֆոտոլրագրողը հայտնեց, որ որոնողական աշխատանքների արդյունքում երեխայի դին հայտնաբերվեց։
