Ողբերգական ավտովթար Արթիկ քաղաքում

Այսօր՝ մայիսի 22-ին, ողբերգական ավտովթար է տեղի ունեցել Շիրակի մարզում։ Ժամը 12։00-ի սահմաններում 60-ամյա Ստեփան Մ․-ն իր վարած KamAZ մակնիշի ավտոմեքենայով Արթիկ քաղաքի Նարեկացի փողոցում դուրս է եկել երթևեկելի գոտուց, բախվել երկաթե էկետրասյանը տապալել այն, առաջ ընթացել և բախվել քարերին ու հողաթմբին, գլորվել, բախվել կիսակառույց շինությանը և կողաշրջվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդը տեղում մահացել է։ Իսկ բախման հետևանքով շինության պատի մոտ 30 ք/մ հատված փլուզվել է։ Էլեկտրասյան տապալման հետևաքով փայտե երկու սյուները նույնպես տապալվել են, որոնց վրա էլեկտրական ու ինտերնետի մալուխները պոկվել են։

Փրկարարները դին մոտեցրել են օպերատիվորեն ժամանած Արթիկի հիվանդանոցի դի տեղափոխող ատոմեքենային։

Տեղում տարածքը սահմանազատել, ծառայություն են կատարում նույն դասակի կրտսեր պարեկներ Վահան Եսայանն ու Վարդան Ծառուկյանը, որպեսզի հետաքրքրասեր վարորդները ավտոմեքենաները չկայանեն և խցանում տեղի չուեննա, ինչը պարեկներին հաջողվում է։ 

Վթարի փաստով՝ քննչական բաժնում նախաձեռնվել է վարույթ։  

Գ․ Շաշմյանի տեղեկություներով՝ KamAZ-ը հաշվառված է «Հարթ-Տրանս» ՍՊԸ-ի հաշվեկշռում և այն բեռնված է եղել ասֆալտով։ 

Օպերատիվրոեն ժամանել են նաև «Յուքոմ», «Մաքսինետ», «Արփինետ» ընկերությունների  ներկայացուցիչները, ովքեր վարպետների հետ աշխատանքներ են կատարում վնասված մախուլները վերանորգելու և ինտերնետ կապը վերականգնելու ուղղությամբ։