Այսօր՝ հոկտեմբերի 6-ին, խոշոր ու ողբերգական ավտովթար է տեղի ունեցել Արագածոտնի մարզում:
Ժամը 16:50-ի սահմաններում Երևան-Վանաձոր ավտոճանապարհի 64-րդ կմ հատվածում՝ Քուչակ գյուղի սկզբնամասում, դեռևս անհայտ հանգամանքներում, բախվել են Mercedes մակնիշի և ռուսական համարանիշներով Porsche Cayenne մակնիշի ավտոմեքենաները:
Վթարի հետևանքով 3 հոգի մարմնական վնասվածքներով տեղափոխվել են «Ապարան» բժշկական կենտրոն: Օպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության Ապարանի թիվ 20 հրշեջ-փրկարարական ջոկատը՝ 1 մարտական հաշվարկով,այս մասին հայտնում է Shamshyan.com-ը:
Մինչ վթարի վարում աշխատում էին նույն վաշտի ավագ հետաքննիչներ Հայկ Վարդանյանն ու Վահագն Էլոյանը, հիվանդանոցից ահազանգ ստացվեց, որ վիրավորներից մեկլը ճանապարհին մահացել է:
Փաստի առթիվ Հ. Մանուկյանի որոշմամբ ՀՀ քր օր-ի 242 հոդվածի 2-րդ մասի հատկանիշներով հարուցվել է քրեական գործ:
Ոստիկանությունն ու քննչական բաժինը պարզում են վարորդների, մահացածի և վիրավորների ինքնությունը: Քննիչի հանձնարարականով ավտոմեքենաները տեղափոխվեցին ոստիկանության Ապարանի բաժնի պահպանվող հատուկ տարածք: