Ողբերգական դեպք

Այսօր՝ հունիսի 23-ին, ողբերգական դեպք է տեղի ունեցել Լոռու մարզում:

ժամը 15։28-ին Արտակարգ իրավիճակների նախարարության ճգնաժամային կառավարման ազգային կենտրոն ահազանգ է ստացվել, որ Վանաձոր քաղաքի «Երեք լճեր» կոչվող վայրում՝ լճակում, դի է հայտնաբերվել։

Օպերատիվորեն դեպքի վայր է ժամանել Լոռու մարզային փրկարարական վարչության Վանաձորի հրշեջ-փրկարարական ջոկատը՝ 1 մարտական հաշվարկով: Օպերատիվորեն ժամանել են նաեւ ոստիկանության Բազումի բաժնի ծառայողները՝ բաժնի պետ Վազգեն Թորոսյանի գլխավորությամբ:

Փրկարարները ջրից դուրս են բերել Վանաձոր քաղաքի բնակչուհի, 74-ամյա Ռայա Հ․-ի դին և հանձնել ոստիկանության աշխատակիցներին։ Դատաբժշկի նախնական եզրակացությամբ՝ դիակի վրա բռնության հետքեր չեն հայտնաբերվել:

Փաստի առթիվ ոստիկանության Բազումի բաժնում նյութեր են նախապատրաստվում: :