Նոր մանրամասներ 2 ընկերների մահվան դեպքից․ Ինչպես է տեղի ունեցել այն

Ոսկան Սարգսյանը դեպքից մանրամասներ է հայտնել  իր ֆեյսբուքյան էջում։ Մասնավորապես գրել է․

Իջևանցի երիտասարդներից մեկի դին Աղստև գետից դուրս է բերվել, մյուսի մարմինը ջրասուզակները որոնում են

Ազատամուտ գյուղի վարչական ղեկավարի պարտականությունները կատարող Արտակ Չոբանյանից իմացա, որ օգոստոսի 5-ին Իջևան քաղաքից 3 ընկերներ, երիտասարդներ լողացել են Ազատամուտ գյուղի և Այգեհովիտ գյուղի Կայան բնակավայրի մեջտեղում գտնվող ջրամբարում։

Այդ ջրամբարն առկա է ոռոգման նպատակներով վաղուց կառուցված պատվարի մոտ։ Պատվարի մոտ լողանալը վտանգավոր է, քանզի ջրամբարում առկա են մեծ հենասալեր, մեծ քարեր, ջրապտույտ է ։

Երիտասարդներից մեկը տեսնելով, որ ընկերը խեղդվում է, օգնության է նետվել, ինքն էլ է խեղդվել; Խեղդված երիտասարդներից մեկի՝ մոտ 35 տարեկան տղամարդու մարմինը գետից դուրս է բերվել, մյուսին որոնում են Սևանից եկած ջրասուզակները։

Ընկերների խեղդվելը տեսած 3-րդ երիտասարդի ինքնազգացողությունը վատացել է, նրան տեղափոխել են Իջևանի բժշկական կենտրոն