«Մեր աղջիկը գնացել է Սաշիկենց տուն և տեսել է, որ սաղ ղումարբազ, պլանքաշ են ու գիշերով փախել է դրանց տնից. դրանք մեր թշնամիներն են»

«Մեր աղջիկը գնացել է Սաշիկենց տուն և տեսել է, որ սաղ ղումարբազ, պլանքաշ են ու գիշերով փախել է դրանց տնից. դրանք մեր թշնամիներն են»

Իրավունք Ipress 2020-03-18 13:04:00 2271
Հետևեք մեզ՝ Telegram-ում
hgg_cLAjq.jpg

ՀՀ վերաքննիչ դատարանի կողմից 2020 թվականի հունվարի 31-ին արդարացված և քրեակատարողական հիմնարկից ազատ արձակված «Օֆշորի» գործով հայտնի Աշոտ Սուքիասյանի դեմ նույն գործով տուժող Փայլակ Հայրապետյանի բերած վճռաբեկ բողոքը վարույթ է ընդունվել։

 

Այդ մասին «Առաջին լրատվական»-ի հետ զրույցում ասաց Փայլակ Հայրապետյանը՝ հենց այս փաստով բացատրելով այն հիստերիան, որը ներկայումս դրսևորում է Աշոտ Սուքիասյանը և նրա պաշտպանը։

Հիշեցնենք, որ օրերս տեղի ունեցած մամուլի ասուլիսի ժամանակ Աշոտ Սուքիասյանի պաշտպան Լուսինե Զեյնալյանը հայտարարել էր, որ Վճռաբեկ դատարանը Հայրապետյանի բողոքը վարույթ է ընդունել սուբյեկտիվ նկատառումներով: Փաստաբանը նշել էր, որ երբ գործը մտել է Վճռաբեկ դատարան, իրենք սեփական ուսումնասիրություններն են սկսել, ինչի արդյունքում բացահայտել են Փայլակ Հայրապետյանին առնչվող ուշագրավ հանգամանքներ: Մասնավորապես, որ Փայլակ Հայրապետյանը վաղեմի կապեր ունի Վճռաբեկ դատարանի քրեական պալատի գործող նախագահ Լիլիթ Թադևոսյանի, նրա հոր՝ Զելիմ Թադևոսյանի հետ, որը տարիներ շարունակ եղել է դատախազ, հիմա թոշակի է անցել, և Հայրապետ Հայրապետյանի հետ, որը Փայլակ Հայրապետյանի որդին է և դատախազ է աշխատել։

Փայլակ Հայրապետյանը «Առաջին լրատվական»-ի հետ զրույցում հերքեց այս պնդումները։ Նա նշեց, որ իր որդին դատախազությունից աշխատանքից ազատվել է արդեն 20 և ավելի տարիներ առաջ։ «Նա կյանքում չի էլ տեսել էդ դատավորին, որի մասին խոսք է գնում, բոլորովին ծանոթ չի նրա հետ։ Սրանք անիմաստ, ուղղորդված շահարկումներ են»,- ասաց Հայրապետյանը՝ հավելելով, որ շահարկվում է նաև Սերժ Սարգսյանի եղբոր՝ Ալեքսանդր Սարգսյանի հետ իրենց ունեցած խնամիական կապերը։ Հայրապետյանի խոսքերով, սակայն, դա ծիծաղելի է, քանի որ դա նախ եղել է 2014 թվականին և տևել է 1.5 ամիս։ «Մեր աղջիկը գնացել է նրանց տուն և տեսել է, որ սաղ ղումարբազ են, պլանքաշ են։ Մեր աղջիկն էլ գիշերով տաքսի է կանչել ու փախել է դրանց տնից իր հոր տուն։ Ինչի մասին է խոսքը։ Մենք նրանց հետ ոչ ընկերություն ենք արել, ոչ բարեկամություն։ Մենք դրանց հետ ավելի շատ թշնամի ենք եղել, քան բարեկամ։ Նրանք այնպիսի մարդիկ են եղել, որ ընդամենը 1.5 ամիս անց մեր աղջիկը թքել է դրանց վրա ու փախել դրանց տնից։ Եթե մենք դրանց հետ բարեկամ լինեինք, դրանց պես կթալանեինք երկիրը»,- ասաց Հայրապետյանը։

Ինչ վերաբերում է վճռաբեկ բողոքին, Հայրապետյանն ասաց, որ այն վարույթ է ընդունվել, և ինքը հույս ունի՝ արդարությունը կվերականգնվի։ «Այդ հաշիվները եղել են Տիգրան Սարգսյանի, Կճոյանի և իր անունով։ Մինչև վերջերս Աշոտը պնդում էր, թե ինքը կեղծել է նրանց ստորագրությունները, բայց բանից պարզվեց, որ ոչ թե կեղծել է, այլ այս ստորագրությունները իրական են եղել, եղել են Կճոյանի, Տիգրան Սարգսյանի ու իր ստորագրությունները։ Աշոտը խաբել է հա՛մ պետությանը, հա՛մ բոլորին, նախաքննական մարմնին։ Հիմա են հույսս դրել եմ արդարության վրա։ Եթե արդարություն կա մեր երկրում, Աշոտ Սուքիասյանը պետք է դատվի և մնա անազատության մեջ։ Ես օրենքից դուրս ոչ մի բան չեմ ուզում լինի։ Իսկ օրենքով նա նորից պետք է դատվի ու կրի իր պատիժը»,- ընդգծեց Հայրապետյանը։

Հիշեցնենք, որ Աշոտ Սուքիասյանը մեղադրվել է փողերի լվացման, խարդախության և հարկերից խուսափելու համար։ Նա դատապարտվել էր 16 տարի ազատազրկման։ Այս տարվա հունվարին առաջին երկու դրվագով Վճռաբեկ դատարանը նրան արդարացրել է։ Հայրապետյանի պաշտպանները Վճռաբեկ դատարանից պահանջում են բեկանել Վերաքննիչ դատարանի նշյալ որոշումը և Սուքիասյանին մեղավոր ճանաչել:

 

Поделиться
Класс
Send
astxagushak-12_E07ox.jpg

Աստղագուշակ հուլիսի 16-ի համար

adrbejanakan-hamaranishov-meqena_gPqQo.jpg

Ադրբեջանական համարանիշով մեքենա՝ ՀՀ տարածքում

meqenaneri-xuzarkutyun_E5kB9.jpg

Ոստիկանները «Եռաբլուրի» մոտ ավտոմեքենաներ են խուզարկում, ճանապարհը փակ է

zinvor-e-viravorvel_BZaed.jpg

3 վիրավոր զինծառայողներ տեղափոխվել են հիվանդանոց․ Հայտնի է՝ ինչ է կատարվել

lidushiki-cnndyanxnjuyqy_IlF49.jpg

Լիդուշիկի ծննդյան շքեղ խնջույքը՝ ԱՄՆ-ում. Բացառիկ կադրեր

zinakocikner_rAoN5.jpg

«Մամ ջան կգամ»․ Զինակոչիկները մեկնեցին ծառայության

avtovtar-2_YWWYq.jpg

Տավուշում իրար են բախվել զինվորական բեռնատարը և Նոյեմբերյան֊Բագրատաշեն երթուղայինը․ Մանրամասներ

spanutyun-paraqyarum_0tVoD.jpg

«Ամուսնուս մեքենայի մեջ այրել են». նոր մանրամասներ են հայտնի դարձել

dolar-rubli-6_lfR1Q.jpg

Ինչ փոխարժեքներ ունեն դոլարն ու ռուբլին այս պահին․ ԿԲ

20-amya-txan-mahacel-e_-KRSP.jpg

Ով է այսօր հիվանդանոցում մահացած 20-ամյա երիտասարդը

xoshor-avtovtar-10_58Va3.jpg

Խոշոր ավտովթար է տեղի ունեցել Արագածոտնի մարզում

arexcvacayin-depq_n2IE6.jpg

Առեղծվածային դեպք՝ Արագածոտնի մարզում. 10 ժամից ավելի որոնվում էր Նիկոլ Փաշինյանին հարց տված քաղաքացին