Մայրը տեսել է, թե ինչպես է դայակը կերակրի շշով ծեծում իր մեկամյա որդուն, ապա թքում լացող երեխայի գլխին

Մոսկվայում մեկամյա տղայի մայրը պահանջում է պատասխանատվության ենթարկել որդուն ծեծի ենթարկած դայակին։ Այս մասին հայտնում է REN TV-ն։

Ըստ 39-ամյա մոսկվացու՝ 59-ամյա կինը պետք է խնամեր իր մեկամյա երեխային։ Հունվարի 26-ին բազմազավակ մայրը իր մյուս երեխաներին տարել է դպրոց և որոշել ստուգել դայակի աշխատանքը․ կինը դիտել է բնակարանում տեղադրված տեսախցիկների ձայնագրությունները։

Մայրը տեսել է, թե ինչպես է դայակը կերակրի շշով ծեծում իր մեկամյա որդուն, ապա թքում լացող երեխայի գլխին։

Նա բողոք է ներկայացրել ոստիկանություն, կատարվում է հետաքննություն, դատավարության ընթացքին վերահսկում է մայրաքաղաքի դատախազությունը, քրեական գործ հարուցելու հանձնարարականներ են ուղարկվել քննչական մարմնին։