Երեկ՝ հունիսի 11-ին, մահվան ելքով վրաերթ է տեղի ունեցել Արարատի մարզում:
Ժամը 22:40-ի սահմաններում Արարատի մարզի բնակիչ 25-ամյա Վանո Կիրակոսյանը իր վարած «ՎԱԶ 2106» մակնիշի ավտոմեքենայով Արտաշատ-Վերին Արտաշատ գյուղ տանող ճանապարհին վրաերթի է ենթարկել հետիոտն Արարատի մարզի բնակիչ 41-ամյա Ռադիկ Քալաշյանին:
Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է, իսկ վարորդը կարճ ժամանակ անց ինքնակամ ներկայացել է ՀՀ ներքին գործերի նախարարության ոստիկանության Արտաշատի բաժին:
Դեպքի փաստով քննչական վարչությունում նախաձեռնվել է քրեական վարույթ:
Քննիչի հանձնարարականով ավտոմեքենան տեղափոխվել է ոստիկանության Արտաշատի բաժնի պահպանվող հատուկ տարածք:
English
Русский
