Հունիսի 21-ին, խոշոր ու ողբերգական ավտովթար է տեղի ունեցել Լոռու մարզում: Ժամը 12:20-ի սահմաններում «Mercedes» մակնիշի ավտոմեքենան Վանաձոր-Դիլիջան ավտոճանապարհին՝ Ֆիոլետովո գյուղի վարչական տարածքում, դեռևս անհայտ հանգամանքներում, դուրս է եկել երթևեկելի գոտուց և մոտ 200 մ գլորվելով հայտնվել ձորում:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 4 հոգի տեղում մահացել են:
Մահացածներից 3-ը հայտնաբերվել են ավտոմեքենայից դուրս, մեկին ավտոմեքենայից դուրս բերելու համար փրկարարները օգտագործում են հատուկ տեխնիկա:
Ոոստիկանության Լոռու մարզային վարչության, ոստիկանության Գուգարքի բաժնի, ՊԾ Լոռու մարզի գումարտակի և Լոռու մարզային քննչական վարչության կողմից պարզվել են վարորդի և մահացածների ինքնությունները։
Ավտոմեքենան վարել է Ֆիոլետովո գյուղի բնակիչ 71-ամյա Վալերի Միրզաբեկյանը, ով տեղում մահացել է, իսկ մահացած ուղևորներն են Վանաձոր քաղաքի բնակիչներ 69-ամյա Ջուլիետտա Միրզաբեկյանը, 86-ամյա Իսկրա Պետրոսյանը և 58-ամյա Նաիրա Պետրոսյանը, ում ծննդյան օրն էր այսօր։ Վերջիններս նույնպես տեղում մահացել են։
Ըստ տեղեկությունների ողբերգական ավտովթարից մահացած ընտանիքը գնում էր հանգստի։