Հրապարակվել է այսօրվա կրակոցներ և գողություն կատարող խմբի տեսանյութը. ՏԵՍԱՆՅՈՒԹ

Հրապարակվել է այսօրվա կրակոցներ և գողություն կատարող խմբի տեսանյութը. ՏԵՍԱՆՅՈՒԹ

Իրադարձային Ipress 2022-05-24 19:37:00 49092
Հետևեք մեզ՝ Telegram-ում
goxutyun_jHq8K.jpg

Այսօր՝ մայիսի 24-ին, դետեկտիվ ժանրի դեպք է տեղի ունեցել Երևանում։ Ոստիկանության Նոր Նորքի բաժնի ծառայողները՝ բաժնի պետ Իգոր Մեսրոպյանի գլխավորությամբ օպերատիվ տեղեկություններ են ունեցել, որ Ջրվեժ թաղամասում գտնվող «Արմենթել» ընկերությանը պատկանող  տարածքից գողություն է կատարվելու։

Ինչպես հայտնում է ֆոտոլրագրող Գագիկ Շամշյանը, ոստիկանները հասնում են այն պահին, երբ Ford մակնիշի ավտոմեքենան բարձված գողոնով նշված տարածքից դուրս էր գալիս։ 

Ոստիկանները հրահանգում են, որպեսզի այդ, ինչպես նաև մեկ այլ Ford Transit մակնիշի ավտոմեքենաները կանգնեն, սակայն վարորդները, չենթարկվելով ոստիկանների օրինական պահանջին, դիմում են փախուստի։ 

Սկսվում է հետապնդում, և Նոր Նորքի ոստիկաններին օգնության են հասնում ՀՀ ոստիկանության պարեկաիյն ծառայության Երևանի գնդի 3-րդ գումարտակի 3-րդ վաշտի պարեկները՝ գումարտակի հրամանատար Գոռ Առաքելյանի, գումարտակի հրամանատարի տեղակալ Ալբերտ Հովհաննիսյանի և վաշտի հրամանատար Արմեն Զաքարյանի գլխավորությամբ։ 

Հետապնդումը շարունակվում է մինչև Դավիթ Բեկի փողոցը, և մեկ այլ տեղից էլ փախուստի դիմածներին հետապնդում են նույն վաշտի ավագ պարեկներ Ռոման Ալոյանը, Արման Խալաթյանը և կրտսեր պարեկ Արթուր Ավետիսյանը։ 

Պարեկները մի քանի անգամ բարձրախոսով հրահանգում են, որպեսզի փախուստի դիմողները կանգնեն, սակայն նրանք, դարձյալ չենթարկվելով, շարունակում են դիմել փախուստի։

Ոստիկաններն ու պարեկները կասկածելի գողոնով բարձված Ford-ը հետապնդում են մոտ 4 կմ, ու արդեն պարեկ Ռ. Ալոյանը, ով նաև վարում էր ծառայողական ավտոմեքենան, նախազգուշական կրակոցներ է արձակում օդ, ապա տեսնելով, որ դա էլ չի զգաստացնում Ford-ի վարորդին, ընթացքում դիպուկ կրակոցներ է արձակում Ford-ի անվադողերի ուղղությամբ, որից հետո Ford-ի վարորդը կորցնում է ավտոմեքենայի կառավարումը և բախվում բազալտե եզրաքարերին, ապա ծառերին և մոտ 200 մետր կողաշրջված սահելով՝ հայտնվում «Բաքոս» ռեստորանային համալիրի դիմաց։ 

Կողաշրջվելուց հետո ավտոմեքենայի վարորդը, նրա կողքի ուղևորն ու հետևի հատվածում գտնվող մի քանի հոգի դիմում են փախուստի, սակայն ոստիկաններին ու պարեկներին հաջողվում է նրանցից մի քանիսին հետապնդել և վնասազերծել, ովքեր էլ բերման են ենթարկվում ոստիկանության Նոր Նորքի բաժին։

Կողաշրջված ավտոմեքենայում հայտնաբերվում է խոշոր չափի պղնձե մալուխներ, և այդ վայրում քննչական աշխատանքները ղեկավարող Ն. Պովլովի հանձնարարականով ՀՀ ոստիկանության պարեկային ծառայության Երևանի գնդի 4-րդ գումարտակի 1-ին վաշտի պարեկ Էդգար Հայրապետյանի ուղեկցությամբ ավտոմեքենան տեղափոխվում է ոստիկանության Նոր Նորքի բաժնի պահպանվող հատուկ տարածք։ 

Մյուս փախուստի դիմած ավտոմեքենան նույնպես հայտնաբերվել և տեղափոխվել է պահպանվող հատուկ տարածք։ 

Ավտոմեքենայում հայտնաբերվում է նաև հատուկ մալուխե կաբելներ կտրելու համար նախատեսված մկրատ, որը, ըստ նախնական տեղեկությունների, հանցագործության գործիքներից է։ Իսկ քննչական բաժնի պետի տեղակալ Հ. Բաղմանյանի գլխավորությամբ քննիչների մի խումբ էլ դեպքի վայրի զննություն էին կատարում գողության վայրում։ 

Նախաքննության շահերից ելնելով՝ այս պահին բերման ենթարկված և որոնվող անձանց ինքնությունը չենք հրապարակում, սակայն գողոնը կազմում է մոտ 4 մլն դրամ։ 

Поделиться
Класс
Send
avtovtar-hrdeh_3QOfh.jpg

Բացառիկ լուսանկարներ ընտանիքի 4 անդամների կյանքը խլած ավտովթար-հրդեհից

hakob-hakobyan_2uhm9.jpg

Ցավալի լուր․ Մահացել է Հակոբ Հակոբյանը

dzyun-e-galis-1_2Aqxe.jpg

Ձյան ծածկի առավելագույն բարձրությունը հասել է 151սմ-ի

rublin-tankacav_qy5WZ.jpg

Ռուբլին այսօր թանկացավ. ԿԲ նոր փոխարժեքներ հրապարակեց

nikol-pashinyyan_chAOO.jpg

Շաբաթվա վերջում պատերազմ կլինի, եթե ոչինչ չանենք. Նիկոլ Փաշինյան

luyss-chi-linelu_ooI0V.jpg

Մի շարք հասցեներում այսօր լույս չի լինելու

voghbergakan-avtotar_7XDna.jpg

Ողբերգական ավտովթար-հրդեհ՝ Սյունիքի մարզում․ Ավտոմեքենայում հայտնաբերել են ընտանիքի անդամների մոխրացած 4 մարմին

astxagushak-2_aCfIl.jpg

Աստղագուշակ՝ մարտի 19-ի համար

pashinyani-avtosharasyuny_Ehnqp.jpg

Երևանում Փաշինյանի ավտոշարասյանն ուղեկցել են ազդանշաններով ու «դավաճան» վանկարկումներով․ ՏԵՍԱՆՅՈՒԹ

exanaky-kcrti_5w1kn.jpg

Օդի ջերմաստիճանը կտրուկ կնվազի․ Եղանակը ՀՀ-ում

sirusho_Oc8rb.jpg

Նրա անձնական թիկնապահները. Սիրուշոյի նոր հրապարակումը. ՖՈՏՈ

jur-chi-lini_HGXtM.jpg

24 ժամով կդադարեցվի ջրամատակարարումը. Հասցեներ