Ըստ նախնական տեղեկությունների՝ պայթյունից ու հրդեհից տուժածներ կան, այդ մասին ԶԼՄ-ներին հայտնել է ՆԳՆ մամուլի խոսնակ Նարեկ Սարգսյանը։
Նախնական տվյալներով հոսպիտալացվել է 5 քաղաքացի։
«Պայթյունի վայրում այս պահին հրդեհաշիջման աշխատանքներ են իրականացվում:
Դեպքի վայրում է ՆԳՆ փրկարար ծառայության 12 մարտական հաշվարկ, նշված վայր են մեկնում այլ մարտական հաշվարկներ ևս: Պարբերաբար կտրվի տեղեկատվություն»,- ասել է նա։:
Հիշեցնենք՝ հունիսի 6-ին, ժամը 23:14-ին Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհի 2-րդ կմ-ին՝ գազալցակայանում, տեղի է ունեցել պայթյուն։
English
Русский
