Հանցագործը գնացել էր տուն սեր խոստովանելու․ մանրամասներ

Hraparak.am-ը գրում է․ Ինչպես ավելի վաղ տեղեկացրել էինք, ոստիկանները ձերբակալել են Պեմզաշենում 31-ամյա կնոջը և նրա 2 երեխաներին դաժանաբար սպանած տղամարդուն։

Հրապարակի տեղեկություններով, սպանություն գործած անձի անունն է Վրույր Բարսեղյան։ Վերջինս բնակվել է Պեմզաշեն բժշկական կենտրոնի հարևանությամբ։ Նա համակրել է սպանված Զարինեին։ 

Ըստ Պեմզաշենի բնակիչների, հանցագործը թմրանյութերի ազդեցության տակ գնացել է սեր խոստովանելու նրան։ Հավանաբար մերժում ստանալով, դանակահարել է ընտանիքի անդամներին։

Դանակը, որով կատարվել է սպանությունը, չի հայտնաբերվել, սակայն ըստ ոստիկանության մեր աղբյուրների, Վրույրը ասել է, թե որտեղ է գցել դանակը։ Նրա նշած վայրում չի հայտնաբերվել դանակը։