English
Русский
Համացանցում երեկվանից տեղեկություն է շրջանառվում, թե հանրային պաշտպանները հրաժարվում են զբաղվել երեխային բռնության ենթարկած Աննա Արևշատյանի շահերի պաշտպանությամբ։
Հանրային պաշտպանի գրասենյակի ղեկավար Գևորգ Մկրտչյանը մեզ փոխանցեց, որ հանրային պաշտպանները շարունակում են իրականացնել իրենց գործառույթները. «Թե մեղադրյալի, թե տուժող անչափահասի շահերը ներկայացնող հանրային պաշտպաններն իրենց գործառույթները շարունակում են իրականացնել»։
Նա նաեւ հրաժարվեց ասել, թե որ հանրային պաշտպաններն են զբաղվում կնոջ եւ երեխայի պաշտպանությամբ` նշելով, որ, եթե ցանկանան հանրորեն արտահայտվել, ապա ձևը կգտնեն։
Նշենք, որ երեխային բռնության ենթարկած մայրը կալանավորված է։
