Համացանցում տարածվել են Պեմզաշենի դաժան սպանության հեղինակների լուսանկարները

Պեմզաշենի դաժան սպանության մեջ կասկածվող երկրորդ անձը ձերբակալված Վրույր Բարսեղյանի հորեղբոր տղան է, ոստիկանները նրան ձերբակալել են։

Հիշեցնենք, որ ոստիկանության Շիրակի մարզային վարչության ու Արթիկի բաժնի ծառայողները նոյեմբերի 12-ին՝ ժամը 19.10-ին, իրացնելով ստացված օպերատիվ տեղեկությունները ոստիկանները ձերբակալել են Շիրակի մարզի 32-ամյա մի բնակչի: 

Նա ոստիկանությունում խոստովանել է կատարածը, ձերբակալվել ու ներկայացվել է նախաքննական մարմնին:

Բացի այդ, ոստիկանությունը ներկայումս համապատասխան որոնողական աշխատանքներ է տանում ևս մեկ անձի հայտնաբերելու և քննությանը ներկայացնելու համար:

Ձերբակալված 32-ամյա Վ․-ն, ըստ մեր տեղեկությունների, ծանոթ է եղել այս ընտանիքի նիստուկացին, տեղեկացված, որ 31-ամյա Զարինեի ամուսինն արտագնա աշխատանքի է մեկնում, երբեմն փող ուղարկու

։ Նա մի քանի անգամ շփվել է այս ընտանիքի անդամների հետ, երբեմն նրանց շանը կերակրել է, ամենայն հավանականությամբ այդ պատճառով էլ շունը չի հաչել նրա՝ այդ տուն ներխուժելուց։

Ձերբակալվածը, ըստ նախնական տեղեկությունների, ենթադրել է,  որ Ամանորին ընդառաջ Զարինեի ամուսինը գումար է ուղարկել, հենց այդ պահանջով էլ մտել է այդ տուն։ 32-ամյա տղամարդը 3 երեխաների հայր է, նրա՝ հոգեկան առողջության որոշակի խնդիրներ ունենալու մասին պնդումներ կան։

Ոստիկանությունը խիստ հսկողություն է անցկացնում ձերբակալվածի տան մոտ։