Կենտրոնի քննչական բաժնում 16-ամյա աղջիկ է վատացել. ինչ է կատարվել

ArmLur.am-ի տեղեկություններով՝ 16-ամյա աղջկա ինքնազգացողությունը վատացել է Կենտրոնի քննչական բաժնում, երբ քննիչները նրա նկատմամբ բռնություն կիրառած կասկածյալի հետ առերեսում են իրականացրել։

ArmLur.am-ի տեղեկությունների համաձայն՝ աղջիկը, ըստ նախնական տեղեկությունների, մոտ 60 հատ դեղահաբ է խմել։

Նշենք, որ SHAMSHYAN.com-ի տեղեկություններով՝ քիչ առաջ «Մուրացան» մանկական հիվանդանոց է տեղափոխվել 16-ամյա մի աղջիկ:

Ինչպես հայտնում է ֆոտոլրագրող Գագիկ Շամշյանը, տեղափոխված աղջիկը Երևանի բնակիչ է, ով մեծ քանակությամբ դեղորայք է խմել, ու ինքնազգաղությունը վատացել է, ինչից հետո նրան տեղափոխել են հիվանդանոց:

Ըստ տեղեկությունների՝ նրա նկատմամբ բռնություն է իրականացվել, ինչից հետո նա դիմել է այդ ծայրահեղ քայլին:

Հիվանդանոց են ժամանել ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նորք-Մարաշ բաժնի օպերատիվ խումբը՝ բաժնի պետ Մառլեն Հակոբյանի գլխավորությամբ:

Նախաքննության շահերից ելնելով՝ այս պահին որոշ մանրամասներ չենք հրապարակում: