Խոշոր ու ողբերգական ավտովթար՝ Կոտայքի մարզում. Կա զոհ և վիրավորներ

Այսօր՝ հուլիսի 20-ին, խոշոր ու ողբերգական ավտովթար է տեղի ունեցել Կոտայքի մարզում: Ժամը 17:00-ի սահմաններում Երևան-Սևան ավտոճանապարհի 22 կմ հատվածում «Բոմբ» օբյեկտի հարևանությամբ բախվել են «Kia», «Honda» և «Mitsubishi» մակնիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, ում մարմինը գտնվում է ավտոմեքենայում, իսկ 2 հոգի տարբեր աստիճանի մարմնական վնասվածքներով, մեկը՝ ծայրահեղ ծանր, մյուսը՝ միջին ծանրության, տեղափոխվել են մեկը՝ «Հրազդան», մյուսը՝ «Աբովյան» բժշկական կենտրոններ:

Ոստիկանությունն ու քննչական բաժինը պարզում են վարորդների, մահացածի և վիրավորների ինքնությունը:

Ըստ նախնական տեղեկությունների, ինչպես նաև՝ «Mitsubishi»-ի վարորդի հայտարարությամբ՝ ինքը դեպի Երևան ընթանալիս է եղել, երբ «Kia»-ն ու «Honda»-ն դեպի Երևան ընթանալիս բախվել են իրար, ապա «Honda»-ն դուրս է եկել հանդիպակաց երթևեկելի գոտի, և ինքը բախվել է «Honda»-ին, իսկ «Kia»-ի վարորդն ասում է, որ ինքը կապ չունի վթարի հետ, և թե ինչ հանգամանքներում է կողաշրջվել, դրա պատասխանը չկա: 

Գ. Շամշյանի տեղեկություններով՝ մահացածը Արցախի լեգենդար հերոս, «Եղնիկներ» ջոկատի հիմնադիր Շահեն Մեղրյանի եղբոր որդին է: