Խոշոր ու շղթայական ավտովթար Երևանում. «Դվին» հյուրանոցի դիմաց

Այսօր՝ հուլիսի 27-ին, խոշոր ու շղթայական ավտովթար է  տեղի ունեցել Երևանում: Ժամը 21:40-ի սահմաններում Պռոշյան փողոցում՝ «Դվին» հյուրանոցային համալիրի դիմաց, բախվել են Range Rover Sport, Mercedes S560, Lexus GX 460, Volkwagen Jetta, Mitsubishi Pajero և Opel  մակնիշի ավտոմեքենաները:

Ինչպես դեպքի վայրից հայտնում ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար, տուժածներ չկան:

Ժամանել են նաև ապահովագրական ընկերությունների ներկայացուցիչները: 

Վթարի փաստով ՊԾ Երևանի քաղաքի գնդում նյութեր են նախապատրաստվում, որտեղ էլ պարզվում են վարորդների ինքնությունը:

Ֆոտոլրագողը հայտնում է, որ մի քանի ավտոմեքենաներ եղել են ճանապարհի թույլատրելի հատվածում կայանված: