English
Русский
Այսօր՝ հունիսի 12-ին, խոշոր հրդեհ է տեղի ունեցել Տավուշի մարզում։
Ժամը 18:10-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Չորաթան բնակավայրում տուն է վառվում։
Հրշեջները մեկուսացրել են կրակը, ապա մարել այն։ Տունն ամբողջությամբ այրվել է։
Ըստ նախնական տեղեկությունների՝ բարեբախտաբար տուժածներ չկան։
Դեպքի փաստով ոստիկանության Նոյեմբերյանի բաժնում փաստաթղթեր են ձևակերպվում, որտեղ էլ պարզվում են հրդեհի հանգամանքներն ու տան սեփականատիրոջ ինքնությունը։
