SHAMSHYAN.com-ը գրում է․ Այսօր՝ հունվարի 17-ին, խոշոր ավտովթար է տեղի ունեցել Երևանում: Ժամը 01:00-ի սահմաններում Մյասնիկյան պողոտայում՝ «Վենեցիա» ռեսորանային համալիրի հարևանությամբ բախվել են 3 «Mercedes», «BMW» և «Lexus» մանկիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինը օգնության են հասել քաղաքացիները և օպերատիվորեն ժամանած ՀՀ Ներքին գործերի նախարարության Փրկարար ծառայության Երևանի թիվ 1 հրշեջ-փրկարարական ջոկատի փրկարարներն ու շտապօգնության բժիշկների հերթապահ խմբերը, տեղափոխվել են «Սուրբ Գրիգոր Լուսավորիչ» բժշկական կենտրոն:
Վիրավորներից մեկին մինչ հրշեջների ժամանումը ավտոմեքենայից դուրս են բերել մի քանի երիտասարդ տղաներ, ովքեր այնուհետև պատգարակով վիրավորին մոտեցրել են շտապօգնության ավտոմեքենային:
Երթևեկությունը նշված հատվածում դադարեցվել է, քանի որ ավտոմեքենաները հայտնվել էին ճանապարհի տարբեր հատվածներում՝ փակելով այն:
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդների և վիրավորների ինքնությունը:
Օպերատիվորեն ժամանել են նաև ապահովագրական ընկերությունների ներկայացուցիչները:
English
Русский
