Այսօր՝ ապրիլի 11-ին, խոշոր ավտովթար է տեղի ունեցել Գեղարքունիքի մարզում: Ժամը 10:30-ի սահմաններում՝ Նորատուս գյուղի բնակիչ, 28-ամյա Բարիս Ա.-ն իր վարած ռուսական համարանիշներով ВАЗ 21-14 ավտոմեքենայով, Սևան-Մարտունի-Գետափ ավտոճանապարհի 42 կմ հատվածում, դուրս է եկել ճանապարհի երթևեկելի գոտուց, մի քանի պտույտ շրջվելով բախվել քարերին:
Ինչպես հայտնում է ֆոտոլրագրող Գագիկ Շամշյանը՝ վթարի հետևանքով ուղևոր, վարորդի համագյուղացի, 36-ամյա Գուրգեն Գ.-ն մարմնական վնասվաքներով տեղափոխվել է Գավառի բժշկական կենտրոն, որտեղ առաջին բուժօգնությունը ստանալուց հետո տեղափոխվել է Երևանի հիվանդանոցներից մեկը:
Տեղում տարածքը սահմանազատել և ծառայություն են իրականացրել նույն դասակի ավագ պարեկ Արմեն Հովհաննիսյանն ու կրտսեր պարեկ Գնել Պողոսյանը:
Ժամանել են նաև ոստիկանության Գավառի բաժնի հերթապահ խումբը՝ օրվա պատասխանատու-հերթապահի գլխավորությամբ: Տեղում աշխատել է նաև Հայաստանի քննչական կոմիտեի Գեղարքունիքի մարզային քաղաքի քննչական վարչության Գավառի քննչական բաժնի խումբը:
Վթարի փաստով քննչական բաժնում նախաձեռնվել է վարույթ: