Լուսանկարներ՝ այսօր տեղի ունեցած ողբերգական դեպքից

Այսօր՝ սեպտեմբերի 8-ին, ողբերգական դեպք է տեղի ունեցել Լոռու մարզում։ Ժամը 08։25-ի սահմաններում Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Աքորի գյուղի տներից մեկում հրդեհ է բռնկվել, և կան կասկածներ, որ ներսում քաղաքացի կա։

Ինպես հայտնում է ֆոտոլրագրող Գագիկ Շամշյանը, օպերատիվորեն ժամանել են ԱԻՆ ՓԾ Ալավերդու թիվ 39 և Օձունի թիվ 3901 հենակետերից 1-ական մարտական հաշվարկ։

Պարզվել, որ հրդեհը բռնկվել է Աքորի գյուղի 5-րդ փողոցի 25 տանը։ Հրշեջ-փրկարարները նախ կանխել են կրակի տարածումը, ապա մարել այն։ 

Հրշեջները տան խոհանոցում  հայտնաբերել են 84-ամյա Վարսենիկ Տ․-ի մոխրացած դին։

Դեպքի փաստով Թումանյանի քննչական բաժնում նախաձեռնվել է քրեական վարույթ։