Իրանը պատրաստ է ցուցաբերել ցանկացած օգնություն Հայաստանի և Ադրբեջանի միջև հակամարտության լուծման համար

Իրանի ԱԳՆ-ն հայտարարություն է տարածել, որում մասնավորապես ասված է․

Իրանի ԱԳՆ-ն անհանգստություն է հայտնել Հայաստանի եւ Ադրբեջանի սահմանին լարվածության թեժացման առիթով եւ զսպվածության ու վեճերը խաղաղ ճանապարհով եւ միջազգային իրավունքի հիման վրա լուծելու կոչ է արել։

ԻԻՀ ԱԳՆ-ի պաշտոնական ներկայացուցիչ Նասեր Քանաանին ընդգծել է, որ Իրանի համար անթույլատրելի է Հայաստանի եւ Ադրբեջանի սահմանների որեւէ փոփոխություն։

Ընդգծելով, որ Իրանն ուշադիր հետեւում է իրադարձությունների զարգացմանը՝ կապված այս հարցի հետ, Քանաանին նշել է երկու երկրների տարածքային ամբողջականության հարգման անհրաժեշտության եւ երկու երկրների միջեւ վեճերի լուծման համար ցանկացած օգնություն ցուցաբերելու Թեհրանի պատրաստակամության մասին, ասվել է ԻԻՀ ԱԳՆ-ի Թելեգրամ-ալիքի հաղորդագրությունում։