Տամբովում տղամարդը մանկասայլակից խլել է վեց ամսական երեխային ու վազել բանուկ փողոցի խաչմերուկում: Գրում է 360 TV-ն:
Մայրը վազել է չարագործի հետևից, մինչև վերջինս իրեն նետել մեքենայի կապոտի վրա: Մայրիկն ու մի քանի վարորդներ խլել են երեխային անադեկվատ տղամարդու ձեռքից:
51-ամյա տղամարդն իր արարքը բացատրել է այսպես. «Ես ուզում եմ բանտ նստել»: Նրան բերման են ենթարկել, նշանակվել է հոգեբանական-հոգեբուժական փորձաքննություն։
Երեխան չի տուժել. հիվանդանոցում նրան ռենտգեն են արել և տուն թողել։
Տղամարդը նախկինում բիզնես է ունեցել, հետո պարտքերի մեջ է ընկել։ Անցյալ տարի նա նույնիսկ սնանկ է ճանաչվել։
Երևի հենց այստեղից էլ Էդիկի մոտ ցանկություն է առաջացել բանտ նստել և խուսափել հետագա խնդիրներից։
English
Русский
