Ինչպես է անցել գիշերը սահմանին և ինչ իրավիճակ է հիմա․ Մանրամասներ

Կան կայունացման միտումներ։ Այս մասին NEWS.am-ի հետ զրույցում ասաց Արցախի արտգործնախարար Դավիթ Բաբայանը՝ խոսելով Ադրբեջանի ագրեսիվ ռազմական գործողությունների գոտում տիրող իրավիճակի մասին։

«Ընդհանուր առմամբ վիճակն ավելի կայուն է, քան վերջին մի քանի օրերին։ Հույս ունենք, որ իրավիճակը վերջնականապես կկայունանա»,-նշեց արտգործնախարարը։

Հիշեցնենք, որ նախօրեին՝ օգոստոսի 3-ին, ժամը 09։00-ից սկսած, ադրբեջանական ստորաբաժանումները` կոպտորեն խախտելով հրադադարի պահպանման ռեժիմը, թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ բացի տարբեր տրամաչափի հրաձգային զինատեսակներից կիրառելով նաեւ ականանետներ, նռնականետեր եւ հարվածային ԱԹՍ-ներ, ինչի հետեւանքով մահացու վիրավորում են ստացել ՊԲ պայմանագրային զինծառայողներ Գուրգեն Գալերիի Գաբրիելյանը եւ Արթուր Յուրիի Խաչատրյանը:

Վերջին տվյալներով՝ 19 զինծառայող ստացել է վիրավորումներ։ Նրանցից երեքը ծանր վիճակում է, մեկի վիճակը գնահատվում է ծայրահեղ ծանր։ Վիրավորներից մի քանիսը տեղափոխվել են Երեւան։

Ադրբեջանի հերթական ագրեսիայի նպատակը Բերձորում (Լաչին) շահեկան դիրք զբաղեցնելն է։